Anaa na sa South Korea ang Gilas Pilipinas aron makig-atbang sa mga exhibition game karong Biyernes ug Domingo, isip kabahin sa ilang subsob nga pagpangandam alang sa Asian Games sa Japan.
Lakip sa mga sakop sa nasyunal nga koponan mao sila si Zavier Lucero, Jerrick Ahanmisi, Sedrick Barefield, Don Trollano, Adrian Nocum, Brandon Bates, Robert Bolick, Brandon Ganuelas-Rosser, Justin Arana, Justine Baltazar, ug RJ Abarrientos. Samtang, gipahayag ni Gilas head coach Tim Cone nga bukas pa ang posibilidad sa pag-apil ni naturalized player Justin Brownlee sa higayon nga makuha ang pinal nga pagtugot.
Nahimutang ang Gilas sa Group C kauban ang mga nasod sa China, Bahrain, ug Kazakhstan, diin gitakda ang ilang unang duwa batok sa Bahrain karong Setyembre 11.