Gipaubos sa National Grid Corporation of the Philippines o NGCP ang Mindanao Grid sa Red Alert ug Yellow Alert karong adlawa, Setiyembre 3 tungod sa kakulang sa available power supply tandi sa gilauman nga panginahanglan.
Gipahibalo sa NGCP nga Yellow Alert gikan alas-10 sa buntag hangtod alas-12 sa udto, ug alas-9 sa gabii hangtod alas-10 sa gabii.
Samtang, Red Alert gikan alas-12 sa udto hangtod alas-9 sa gabii. Miabot sa 2,546 megawatts ang peak demand apan 2,480 megawatts lamang ang available capacity, nga nagpasabot og kakulang nga 66 megawatts.
Lakip sa hinungdan sa alert status mao ang pagka-unavailable sa dagkong coal plants nga GNPK 1 ug 2 ug TSI 2. Sa kinatibuk-an, 841.6 megawatts nga kapasidad ang wala magamit sa grid tungod sa forced outages ug derated capacities sa nagkalain-laing power plants.
Matud sa NGCP, ang Red Alert ipagawas kung dili igo ang power supply aron matubag ang panginahanglan sa mga konsumedor ug kinahanglanon sa transmission grid, samtang ang Yellow Alert nagpasabot nga kulang ang operating margin aron matubag ang contingency requirement sa grid.