Gibanabana nga mokabat sa P147 milyon kada adlaw ang kapildihan sa ekonomiya tungod sa pagkalangan sa mga sakyanan nga moagi sa usa ka kritikal nga tulay nga nagkonekta sa Bukidnon ug Davao.
Matud sa kongresista, kusog ang pagkurog sa maong tulay human sa mga linog, hinungdan nga usa ra ka trak matag higayon ang gitugotan nga motabok aron malikayan ang peligro.
Gisaad sa Department of Public Works and Highways o DPWH ang P150 milyon alang sa retrofitting sa tulay karong tuiga aron mapalig-on kini ug malikayan ang posibleng pagkahugno.
Dugang pa, adunay P150 milyon alang sa 2026 ug P600 milyon alang sa 2027 alang sa pagtukod sa kapuli nga parallel bridge.
Gipasiugda sa kongresista nga dako ang epekto sa delay sa pagbiyahe sa pagdala sa mga produkto sama sa tubo, pinya ug saging, lakip na ang posibleng pagkadaot niini.