Gikuwestiyon sa Office of the Ombudsman ang pagbiyahe ni Senador Loren Legarda gawas sa nasod ug ang iyang padayon nga pagpabilin sa laing nasod.
Matud ni Assistant Ombudsman Atty. Mico Clavano, dili malikayan sa Ombudsman nga magduda sa kahimtang sa pagbiyahe sa senadora, ilabina tungod sa balik-balik niyang pagpangayo og extension sa iyang medical leave.
Sumala ni Clavano, kung tinuod nga seryoso ang sakit nga giatubang ni Senador Legarda, usa lamang unta siya ka higayon mangayo og medical leave ug dili na kinahanglan nga balik-balik ang pagpangayo og dugang panahon.
Mao kini, matud pa ni Clavano, ang usa sa mga hinungdan nganong gi-flag sa Ombudsman ang pagbiyahe ug pagpabilin sa senadora sa gawas sa nasod.
May kalabotan kini sa solar firm o kompanya nga nalambigit sa mambabalaod, nga giingong napakyas sa pagtuman sa mga saad ug responsibilidad niini alang sa solar energy sa nasod.