Posibleng mosaka pa ang gidaghanon sa mga namatay ug missing sa Nepal ug Tibet tungod sa makalilisang nga flash floods nga miigo niadtong Miyerkules.
Misaka na sa 800 ka tawo ang namatay, samtang kapin 3,000 ang gikatahong missing, sumala sa lokal nga mga opisyal.
Sa Nepal , 788 na ang gikumpirmang namatay ug 2,502 ang missing, samtang sa bahin sa China, 16 ang namatay ug 546 ang gikatahong missing.
Gumikan sa dili maayung kahimtang sa panahon ug lisod nga terrain, nahimo kining dakong hagit sa rescue operations, ilabina sa paggamit sa mga helicopter.
Bisan pa niini, gipadayon ang aerial rescue aron mahatagan og ayuda ang mga apektadong lugar ug ma-evacuate ang mga survivors.
Kapin 3,700 na ka tawo ang naluwas sa Nepal, samtang padayon ang pagpangita sa mga missing, lakip ang mga langyaw nga didto alang sa trabaho, trekking ug pilgrimage.
Gipasidan-an usab sa Nepal ang mga residente ug rescue personnel sa posibleng pagsaka pa sa lebel sa tubig sa Bhotekoshi River, nga mahimong magdala og dugang peligro sa mga lugar nga naapektuhan sa baha.