Magpatuman og pagpaubos sa presyo sa pipila ka mga produktong petrolyo ang mga kompanya sa lana sugod karong adlawa.
Sumala sa Department of Energy kon DOE, mokunhod og P0.32 kada litro ang presyo sa gasolina.
Samtang, mas dako ang pagkunhod sa presyo sa diesel nga mokabat sa P3.83 kada litro, ug P3.84 kada litro usab ang ibawas sa presyo sa kerosene.
Epektibo ang price rollback alas-6:00 karong buntag Septiyembre 1.
Matud sa DOE, nahitabo kini human sa duha ka semana nga padayong pagsaka sa presyo sa mga produktong petrolyo.
Base sa DOE, adunay kinatibuk-ang P54.92 kada litro nga pagsaka sa presyo sa gasolina gikan Enero hangtod Agosto 31.
Samtang, misaka usab og P59.06 kada litro ang diesel ug P51.65 kada litro ang kerosene sulod sa maong panahon.