Sugdan karong adlawa Setyembre 1 ang impeachment trial batok kang Vice President Sara Duterte, diin gipaabot nga moatubang isip mga testigo ang duha ka opisyal sa Armed Forces of the Philippines kon AFP.
Gikatakdang mutestigo sila Colonel Manaros Boransing ug Colonel Magtanggol Panopio, kabahin sa military certification nga gigamit sa Department of Education kon DepEd sa pagtubag sa findings sa Commission on Audit kon COA, ilabina sa paggamit sa ₱112.5 milyon nga confidential funds.
Samtang, gikonsiderar sa mga House leader nga usa ka importanteng testigo o “central figure” si kanhi Department of Education Chief of Staff ug spokesperson ni Vice President Sara Duterte nga si Atty. Michael Wesley Poa sa impeachment trial sa Ikaduhang Pangulo.
Sumala kang Deputy Speaker Paolo Ortega, mahimong makatabang ang testimonya ni Poa sa paghatag og katin-awan sa mga pangutana kabahin sa giingong sayop nga paggamit sa confidential funds ni Vice President Sara Duterte.