MALAYBALAY CITY, BUKIDNON — Gipahugtan sa Traffic Management Center (TMC) sa Malaybalay City ang kampanya batok “bora-bora” ug uban pang paglapas sa trapiko aron masiguro ang kaluwasan sa tanang naggamit sa dalan.
Subay sa pahayag ni TMC Traffic Operations Officer I Justino Santonino, gihimo ang mga checkpoint ug mobile operations kauban ang PNP ug LTO. Gitutokan niini ang mga motorista nga walay helmet, walay lisensya, walay side mirror, ug adunay dili sakto o blinking lights.
Gipatin-aw usab sa TMC nga dili awtomatikong dakpon ang mga aftermarket muffler; sa baylo, sukdon kini gamit ang decibel meter aron masuta kon nakalapas ba sa gitakdang lebel sa kasaba. Ang maong aksyon nagtumong sa pagpahinumdom sa disiplina sa dalan ug dili lamang sa pagpangdakop.