Nagpadayon ang kusog nga pag-ulan sa daghang bahin sa Luzon tungod sa Habagat nga gipalig-on sa usa ka Low Pressure Area.
Nahimutang ang LPA mga 520 kilometros sa amihanan-sidlakan sa Itbayat, Batanes.
Gipaalerto ang mga residente sa Ilocos Region, Cordillera, Central Luzon ug Metro Manila tungod sa posibleng pagbaha ug pagguho sa yuta.
Lakip sa mga lugar nga apektado ang Ilocos Norte, Abra, Ifugao, Mountain Province, Nueva Vizcaya, Nueva Ecija, Bulacan, Rizal, Cavite, Laguna, Batangas ug Mindoro.
Samtang, gipahigayon ang forced evacuation sa mga komunidad sa Marilao, Bulacan tungod sa pagsaka sa tubig ug hulga sa dugang pagbaha.
Gihangyo ang mga residente sa ubos nga mga lugar ug duol sa mga suba nga mosunod dayon sa mga pahimangno sa mga awtoridad.
Gipadayon usab sa mga awtoridad ang 24-oras nga pagmonitor sa kahimtang sa panahon, mga dalan ug waterways, ilabina sa mga lugar nga delikado sa pagbaha ug landslide.
Samtang, tungod sa kusog nga ulan, nabali usab ang tumoy nga bahin sa Aquino Bridge sa Tarlac City kagabii ug temporaryong gisirhan sa mga motorista.
Girekomendar ang paggamit sa alternatibong mga dalan samtang sirado ang maong tulay.