Death toll sa Nepal-Tibet flood, misaka sa kapin 500 ka indibidwal

Misaka sa 579 ang ihap sa mga namatay sa Nepal tungod sa makusog nga pagbaha human sa pagkahugno sa glacier, samtang kapin 1,924 ka mga tawo ang gikatahong missing, lakip ang labing menos 517 ka langyaw.

Sa Tibet, China, labing menos lima ang namatay ug 558 ang gikatahong nawala.

Gibanabana sa mga lokal nga opisyal nga ang pagkahugno sa glacier maoy nagpahinabo sa dakong flood wave nga mihapak sa mga balay ug dalan ug nakaguba usab sa usa ka importanteng border crossing tali sa Nepal ug Tibet.

Padayon pa ang rescue ug search operations samtang nagkalainlain ang ihap nga gipagawas sa mga otoridad tungod sa paspas nga pag-usab sa sitwasyon.