Nakabreak og bag-ong Guinness World Records title ang usa ka soccer enthusiast gikan sa Kosovo human niya mapakita ang iyang talagsaong abilidad sa pagsul-ob og 17 ka T-shirt samtang padayon nga ginauntol ang soccer ball gamit ang iyang ulo.
Si Agim Agushi, 56 anyos, usa ka high school mathematics teacher ug minyo nga amahan sa duha ka anak.
Nalabwan niya ang iyang kaugalingong rekord nga 14 ka T-shirt alang sa pinakadaghan nga T-shirt nga nasul-ob samtang nagapauntol og soccer ball gamit ang ulo.
Matud ni Agushi, adunay espesyal nga kahulugan ang iyang bag-ong rekord tungod kay ang 17 ka T-shirt nagsimbolo sa Pebrero 17, nga Independence Day sa Kosovo.
Dili kini ang unang Guinness World Records title ni Agushi.
Nakahupot usab siya og rekord sa pinakadaghan nga T-shirt nga natangtang samtang nag-heading og soccer ball, nga mikabat sa 28 ka T-shirt.
Nakahimo usab siya og rekord nga 164 ka higayon sa pagsul-ob ug pagtangtang sa T-shirt samtang ginauntol ang soccer ball gamit ang iyang ulo.
Kauban si Bujar Ajeti, nakahupot usab si Agushi sa rekord alang sa pinakataas nga panahon sa pag-heading og soccer ball tali sa duha ka tawo, nga mikabat sa 34 minutos ug 1 segundo.