Gikumpirma sa Department of Justice kon DOJ nga nadawat na sa Office of the City Prosecutor sa Zamboanga City ang reklamo batok sa rehistradong tag-iya sa pusil nga giingong gigamit sa pagpamusil sa Ateneo de Zamboanga University niadtong Agosto 18.
Matud ni DOJ Undersecretary Atty. Ian Norman Dato, ang PNP maoy nagsang-at sa reklamo, nga giingong naglakip sa reckless imprudence resulting to homicide and physical injury batok sa amahan sa estudyanteng namusil.
Anaa pa sa evaluation sa prosecution ang kaso ug posibleng ipagawas ang subpoena ngadto sa respondent.
Wala pa usab gikumpirma sa DOJ kung empleyado o opisyal sa Bureau of Customs ang gi-reklamong amahan, samtang wala pa usab sila’y klarong impormasyon sa motibo o hinungdan sa pagpamusil.