Gikuwestiyon ni House prosecution spokesperson ug Kabataan Party-list Rep. Renee Louise Co ang pagdumala ni Vice President Sara Duterte sa confidential funds, nga iyang gihulagway nga matud pa “kwarta una bago plano.”
Sumala ni Co, migawas sa impeachment trial ang mga pangutana bahin sa physical ug financial plans sa Office of the Vice President o OVP, lakip ang giingong managsama ug dili klaro nga mga detalye sa mga dokumento.
Sa testimonya ni OVP Assistant Secretary Lemuel Ortonio, gibutyag niini nga walay confidential fund ang OVP sa dihang milingkod si Duterte niadtong Hulyo 2022.
Apan wala pa molapas og duha ka bulan, mihangyo ang OVP og P250 milyon ngadto sa Department of Budget and Management kon DBM.
Busa nagpagawas ang DBM og P125 milyon alang sa katapusang quarter sa 2022.