Gibaligya na sa gobyerno ang nahibiling stockpile sa liquefied petroleum gas o LPG tungod sa nagkadako nga gasto sa pagtipig niini.
Matud ni Energy Secretary Sharon Garin, mas mahal ang storage cost kung dugay nga dili magamit ang stockpile, busa gisugdan na sa gobyerno ang pagbaligya niini.
Mahimong mokabat sa P60 kada kilo ang presyo sa LPG nga gipalit sa gobyerno, o kapin P660 alang sa 11-kilo nga tangke, depende sa presyo sa international market.
Niadtong Mayo, mipalit ang Philippine National Oil Co. og 21 mil ka metriko toneladang LPG isip emergency supply tungod sa posibleng kakulang nga dala sa tensyon sa Middle East.
Matud sa Department of Energy, igo pa ang LPG stocks sa nasud alang sa 34.49 ka adlaw, base sa datos niadtong Agosto 21.