Wala gituohan sa House Prosecution Panel ang giingonng “template” o “ping-pong” lamang ang testimonya sa duha ka hostile witnesses nga sila Gina Acosta ug Lemuel Ortonio.
Matud sa prosecution, bisan pa og nag-ingon ang duha nga wala sila kahibalo sa detalye sa paggamit sa confidential funds, pareho nilang gitumbok si Vice President Sara Duterte ug Colonel Dante Lachica nga adunay kahibalo kung asa napadulong ang pondo.
Gitin-aw ni Deputy Speaker Paolo Ortega nga daw “ka-limot” ang duha ka testigo tungod sa ilang kanunay nga pag-ingon nga wala sila’y kahibalo kung asa napadulong ang confidential funds bisan dugay na sila nga nagtrabaho sa ilang mga katungdanan.
Samtang, sumala ni Deputy Speaker Janette Garin nga daw “ping-pong” ang testimonya ni Acosta ug Ortonio tungod kay nagtinudloay sila kung kinsa ang adunay kahibalo sa paggamit sa confidential funds.