Malampusong natapos sa usa ka humanoid robot sa China ang 400-meter obstacle race nga adunay 16 ka babag, lakip ang tunnel, seesaw, ligid ug lisod nga dalan.
Sa kadaghanan sa lumba, nagpakita og talagsaong abilidad ang maong robot nga daw susama sa beteranong atleta nga walay kahadlok sa mga babag.
Apan sa dihang hapit na kini maabot sa finish line, kalit kining napukan ug diretso ang nawong sa salog.
Sa makalingaw nga bahin, daw nakahuna-huna ang robot nga ang pinakadakong obstacle kay ang kaugalingon niyang pagdagan.
Human sa pipila ka gutlo, nakabangon kini nga murag walay nahitabo ug mipadayon sa paglakaw hangtod sa finish line.
Ang maong lumba bag-ong event sa World Humanoid Robot Games ug ang mga robot niini gipadagan pinaagi sa remote control.
Bisan napukan, gipakita niini nga mas maayo na ang abilidad sa mga robot sa pagbalanse, paglikay sa babag ug pagbawi human mapukan.
Sa samang kompetisyon, adunay robot nga nakapadagan sa 100 metros sulod sa 8.86 segundos—mas paspas pa sa 9.58 segundos nga rekord ni Usain Bolt.