Gipahibalo sa Department of Energy (DOE) ang pagpatuman og upat ka pikas o phases nga programa—lakip ang pagtaod og mga bag-ong electric meter ug pag-modernize sa mga linya sa kuryente sa tibuok nasod—aron mapuo ang system loss ug maminosan ang bayranan sa mga konsumidor.
Gipatin-aw ni DOE Undersecretary Sharon Garin nga ang system loss naggikan sa kuryente nga nawala sa mga transmission line ug sa mga gipang-awat pinaagi sa illegal connections o “jumper”. Sa pakig-alayon sa National Electrification Administration (NEA), tinguha sa maong plano ang 100 porsyentong pagwagtang sa pagkawat og kuryente ug sa pagtamper o pagmanipula sa mga metro.
Giawhag usab sa DOE ang publiko sa pag-report sa mga nakit-ang jumper pinaagi sa eGov PH app, samtang gipasiguro ang mas gipahugtan nga pagpatuman sa Anti-Electricity Pilferage Law. Gilauman sa departamento nga molungtad og usa ka tuig ang maong programa sa dili pa sa hingpit nga matangtang ang non-technical system loss sa mga bayranan sa kuryente.