Tulo ka lalaki ang nadakpan sa kapulisan ug mga katuwang nga ahensya atol sa pagsulong sa giingong illegal mining operation sa Sitio Binasa, Barangay Rogongon, Iligan City niadtong Agosto 19, 2026, alas 3:00 sa hapon.
Nasikop ang tulo ka suspek nga giila sa alyas nga Ram, 35 anyos, Nel, 45 anyos, ug Andoy, 61 anyos, nga pulos residente sa Cagayan de Oro City.
Nasakmit sa operasyon ang duha ka backhoe, water pumps, mga hose, improvised separator, galingan ug tunga sa sako sa gituohang mineral ores, nga mokabat sa 13.16 milyon pesos ang gibanabana nga kantidad.
Gidala ang mga suspek ug ebidensya sa CIDG Iligan Field Unit alang sa hustong disposisyon, samtang giandam ang kaso tungod sa paglapas sa Presidential Decree No. 705 o Revised Forestry Code of the Philippines.