Bigtime oil price hike, masinati karong adlawa

Subling mosaka pag-usab ang presyo sa mga produktong petrolyo karong adlawa tungod sa nagpadayong tensyon tali sa Estados Unidos ug Iran.

Base sa trading sa miaging mga adlaw, gibanabanang mosaka ang diesel og P1.75 hangtod P3.00 kada litro, samtang ang gasolina ug kerosene lauman usab nga mosaka og P1.00 hangtod P2.00 kada litro.

Tungod niini, ang presyo sa diesel mahimong mosaka ngadto sa P93.55 hangtod P95.55 kada litro.

Ang gasolina mahimong moabot sa P81.18 hangtod P83.18 kada litro, samtang ang kerosene mahimong mosaka ngadto sa P118.13 hangtod P119.13 kada litro.