DAMASCUS, SYRIA — Naglaum ang gobyerno sa Syria nga magpadayon ang negosasyon tali sa Israel alang sa usa ka security deal nga nagtumong sa pag-atras sa mga pwersa sa Israel gikan sa ilang teritoryo.
Giawhag ni Syrian Foreign Minister Asaad al-Shaibani ang Israel nga pahimuslan ang oportunidad sa diplomasya, apan iyang gipahayag nga ang paghunong sa mga pag-atake sa Tel Aviv ang nag-unang prayoridad sa Damascus. Kasamtangang aduna’y presensya ang militar sa Israel sa habagatan-kasadpang bahin sa nasod kasunod sa pagkapukan sa rehimeng Assad niadtong 2024. Misamot pa ang tensyon human gibombahan sa Israel ang Abu al-Duhur airbase sa alegasyong gamiton kini sa Turkey—butang nga gihimakak sa Syria.
Bisan pa sa kawalay pagsalig sa Israel tungod sa wala pagtuman niini sa kasabotan bahin sa buffer zones sa United Nations, naglaum ang Damascus nga makatabang ang presyur gikan sa Estados Unidos aron mabalik ang duha ka nasod sa pormal nga pag-istoryahanay.