Robot sa China, nalabwan ang record ni Usain Bolt

Nalabwan sa usa ka robot ang rekord ni Usain Bolt sa 100-meter sprint atol sa gipahigayon nga World Humanoid Robot Games sa China.

Nakarekord ang maong robot og 9.39 segundos sa 100-meter event, nga mas paspas kaysa sa 9.58 segundos nga rekord ni Bolt nga iyang nahimo niadtong 2009. 

Si Bolt usa ka eight-time Olympic gold medalist ug dugay nang naghupot sa world record sa 100-meter sprint.

Ang maong robot gihimo sa Beijing Innovation Centre of Humanoid Robotics ug ginganlan kini og “Lightning.”

Gibanabanang 2,000 ka robots gikan sa 16 ka nasod ang miapil sa nagkalain-laing kompetisyon atol sa maong kalihokan, nga gipahigayon uban sa pag-apil sa dagkong mga kompanya sa teknolohiya gikan sa tibuok kalibotan.