Presyo sa produktong petrolyo musaka pag usab karong semana

Mosaka ang presyo sa gasolina ug diesel sa sunod semana, tungod sa padayong tensiyon tali sa United States ug Iran nga nakaapekto sa global nga suplay ug patigayon sa lana.

Base sa mga banabana sa industriya, gamit ang lihok sa presyo sa Mean of Platts Singapore (MOPS) ug ang exchange rate sa piso kontra dolyar, posible nga mosaka og ₱1.75 hangtod ₱2.25 kada litro ang presyo sa diesel.

Samtang ang gasolina, gibanabana nga mahimong mosaka og ₱1 hangtod ₱1.50 kada litro.

Sumala sa usa ka source gikan sa industriya sa lana, misaka pag-usab ang gitawag nga “geopolitical premium” sa presyo sa krudo tungod kay mikunhod ang posibilidad nga masulbad pinaagi sa diplomasya ang panagbangi tali sa US ug Iran.