Mipadayag sa iyang dako nga kahinam ang Grammy-winning singer nga si John Legend sa iyang pagbalik alang sa iyang ikaupat nga pagpasundayag sa Pilipinas, diin iyang gihulagway ang mga Pinoy nga usa sa labing madasigon ug mahagugmaon sa musika sa tibuok kalibutan.
Ipadayag ni Legend ang iyang paboritong mga kanta pinaagi sa usa ka intimate concert nga giulohan og “An Evening of Songs and Stories” karong Setyembre 3 ug 4 sa The Proscenium Theater sa Rockwell, Makati City.
Matud sa sikat nga singer-songwriter, espesyal kaniya ang suporta sa mga Pilipino, labina sa iyang hit song nga “All of Me” nga nahimong paborito sa mga karaoke ug kasal sa nasod. Gawas sa puyde nga sing-along, magpaambit usab si Legend og mga personal nga sugilanon bahin sa iyang kinabuhi ug ang inspirasyon sa luyo sa mga kantang iyang gihimo.