IMPASUGONG, BUKIDNON — Nagpabilin karon sa tambalanan ang usa ka 18-anyos nga biktima human kini dunggaba sa usa ka nahubog nga suspek taliwala sa gipahigayon nga Sangguniang Kabataan (SK) disco sa Municipal Dome sa Purok 4, Barangay Poblacion, Impasugong, Bukidnon niadtong Agosto 22 sa kadlawon.
Subay sa report nga gidawat ni Bukidnon Police Provincial Office (Buk PPO) Provincial Director PCOL Oliver Sotto Navales gikan sa Impasugong Municipal Police Station (MPS), nahitabo ang insidente mga alas 1:20 sa kadlawon dihang miulbo ang lalis tali sa biktima ug sa suspek nga gibanabana nga nag-edad og 18 hangtod 20 anyos. Sa tunga-tunga sa ilang away, hinalipik nga gidunggab sa suspek ang biktima sa iyang likod (scapular area) sa wala pa kini dali nga misikad ug mikatala paingon sa wala matala nga direksyon.
Dali nga gipasa-pasa ug gidala ang biktima sa Bukidnon Provincial Medical Center (BPMC) sa Malaybalay City alang sa dinalian nga pagtambal diin kini nakamatngon pa samtang padulong sa ospital. Kasamtangang nagpahigayon og hot pursuit operation ang kapolisan sa Impasugong MPS alang sa pag-ila ug pagdakop sa maong suspek.