8 Patay sa pagkahagsa sa charter plane sa Western Alaska

Namatay ang walo ka tawo human nahagsa ang usa ka Cessna 441 charter plane sa Western Alaska. Sumala sa Federal Aviation Administration, gikan sa Anchorage ang eroplano ug padulong unta sa Cape Newenham sa dihang nahitabo ang aksidente.

Matud ni Clint Johnson, hepe sa Alaska Region sa National Transportation Safety Board, duha ka piloto ug unom ka pasahero ang sakay sa eroplano.

Pipila na lang ka minuto sa wala pa kini motugpa sa Cape Newenham Airport, usa ka Air Force airstrip, sa dihang nahagsa kini. Padayon pang giimbestigahan sa mga otoridad ang hinungdan sa pagkahagsa.