Gipatuman sa lokal nga panggamhanan sa Malaybalay City ang mas estriktong waste segregation sa matag collection point aron masiguro ang husto nga pagbulag sa malata ug dili malata nga basura ug maminusan ang basura nga direktang madala sa landfill.
Pinaagi sa Barangay Environmental Extension Management Workers, gina-monitor sa matag barangay ang segregation sa basura.
Gipasabot ni Mayor Jay Warren R. Pabillaran nga ang mga basura nga dili sakto ang pagbulag mahimong dili kolektahon ug susihon pag-usab sa Material Recovery Facility kon MRF.
Gidugang sa mayor nga nagplano ang siyudad nga dugangan pa ang mga garbage compactor aron matubag ang nagkadakong panginahanglan sa garbage collection ug mapulihan ang mga unit nga madaot tungod sa padayon nga paggamit.
Gipasabot usab ni Pabillaran nga padayon nga gisubsidize sa City Government ang garbage collection alang sa kadaghanan sa mga residente.
Samtang ang pipila ka negosyo adunay garbage fee isip kabahin sa ilang mga bayranan sa business permit.