Gipahigayon sa Sheriff’s Office sa Department of Agrarian Reform ang demolition sa 16-ektaryang yuta sa Purutube, Barangay Aglayan, Malaybalay City, isip kabahin sa pagpatuman sa desisyon alang sa mga benepisyaryo.
Sumala kang DARAB Region 10 Regional Sheriff Emilio Virador, adunay kasabutan nga ang yuta ipailawom sa proseso sa DAR ug dili na i-foreclose, aron mahatag kini ngadto sa mga gitakdang farmer-beneficiaries. Gipasabot usab ni Virador nga ang maong proseso may kalabotan sa desisyon ug kasabutan tali sa mga partido nga nalambigit sa maong yuta. [
Gisulti sa Regional Sheriff nga adunay walo ka agrarian reform beneficiaries nga nalambigit sa kaso ug adunay mga dokumento ug kasabutan nga gisunod sa ilang opisina.
Matud pa niini, kung mahuman ang demolition, ipatuman ang tukmang proseso alang sa pagbalik o pag-apod-apod sa yuta ngadto sa mga farmer-beneficiaries.
Sa pikas bahin gibutyag usab nga adunay mga tawo gikan sa Mamawag family nga nagtrabaho sa maong lugar, apan kinahanglan gihapon respetuhon ang road right-of-way ug ang katungod sa mga farmer-beneficiaries.
Sa bahin sa mga benepisyaryo, nanawagan ang usa sa anak sa mga benepisyaryo nga si Micahael Subrian alang sa hustisya ug hustong pagpatuman sa ilang mga katungod ubos sa agrarian reform programhuman maangkon ang maong katungod.
Malinawong gipahigayon ang maong demolisyon kauban sa hugot nga pag-abag sa han-ay sa kapulisan. Gipadayag ni PCOL. Joepet Paglinawan, hepe sa Malaybalay City Police Station, nga malampuson ang maong lakang uban ang koordinasyon sa Department of Agrarian Reporm.Â