21-anyos nga lalaki, sikop sa buy-bust operation sa Pangantucan, Bukidnon

Sikop ang usa ka 21-anyos nga lalaki sa kapulisan atol sa buy-bust operation sa Rocky Village, Barangay Poblacion, Pangantucan, Bukidnon niadtong milabay’ng adlaw.

Nakumpiska gikan sa suspek ang duha ka sachet sa gituohang shabu nga adunay total nga gibug-aton nga 6.88 gramos ug gibanabanang kantidad nga ₱46,784 ug uban pang ebidensya.

Gipangandam na sa kapulisan ang pagsaka og kaso batok sa suspek. Ang dinakpan anaa karon sa kustodiya sa Pangantucan MPS alang sa dokumentasyon ug hustong disposisyon.