Gibawi ni Orly Guteza ang kanhing sundalo ug security aide ni kanhing Ako Bicol Party-list Rep. Zaldy Co ang iyang unang testimonya nga nagdala siya og mga maleta nga puno sa kwarta ngadto sa balay ni kanhing House Speaker Martin Romualdez.
Sa iyang bag-ong affidavit, sigon ni Guteza nga gipugos lamang siya sa paghimo sa maong pamahayag baylo sa kuwarta ug scholarship alang sa iyang mga anak.
Dugang usab ni Guteza nga ang draft sa iyang affidavit gihimo sa umagad ni kanhing AnaKalusugan Party list Rep. Mike Defensor nga iyang gitawag lamang sa ngalan nga “Mark.”
Sumala pa sa kanhing bodyguard, nakita mismo niini kung giunsa ni Senator Rodante Marcoleta pagbasa ug pag-usab sa draft sa affidavit.
Gibutyag usab ni Guteza nga sa wala pa siya motestigo sa Senate hearing, gimanduan siya nga sundon lamang ang nakasu-lat sa affidavit.
Human sa hearing, giangkon niyang gibati niini nga gigamit lamang siya sa maong sitwasyon.