Hugtanong gihimakak ni US President Donald Trump nga adunay nagpanghitabo nga opisyal nga negosasyon tali sa Estados Unidos ug sa kagamhanan sa Iran, dungan sa iyang pag-angkon sa Strait of Hormuz isip bag-ong teritoryo sa Amerika.
Pinaagi sa usa ka post sa Truth Social, gipatin-aw ni Trump nga nagpabilin pa gihapon ang naval blockade batok sa Iran, apan abli ug luwas na ang maong agianan human giingong nalimpyohan na ang mga nagkatag nga water mines. Ang maong pahayag misukwahi sa naunang deklarasyon sa iyang espesyal nga embahador ug umagad nga si Jared Kushner, kinsa nag-ingon nga dunay nahitabong “positibong” panaghisgot sa duha ka kampo.
Bisan pa man sa padayong pagpangangkon sa Amerika sa maong krusyal nga ruta sa langis, hugot gihapon ang pagbarug sa Iran nga magpabilin sa ilang kontrol ang Strait of Hormuz, ug walay kasabutan nga mahitabo kon dili matuman sa US ang ilang mga gipangayong kondisyon.