Misaka sa 78.1 porsyento ang rice self-sufficiency ratio o SSR sa Pilipinas gikan niadtong 2025, gikan sa 71.7 base sa datos sa Philippine Statistics Authority o PSA.
Ang SSR nagasukod sa bahin sa suplay sa bugas nga gikan sa lokal nga produksiyon kumpara sa kinatibuk-ang suplay, nga naglakip sa lokal nga produksyon ug importasyon, minus eksportasyon.
Sumala sa PSA, 6.4 percentage points ang nadugang sa rice self-sufficiency sa nasud sa maong tuig nga nagpakita og maayong dagan sa pondo ug suplay hangtud sa kasamtangang tuig.
Bisan pa, wala pa gihapon kini nakaabot sa 80 porsyentong lebel nga katapusang naabot niadtong 2021, diin mikabat sa 81.5 porsyento ang SSR.
Gituohang usa sa mga hinungdan sa pagsaka sa self-sufficiency mao ang upat ka bulan nga pagdili sa pag-import og bugas gikan sa Septiyembre hangtod Disyembre 2025.
Tungod niini, mikunhod og hapit 30 porsyento ang kinatibuk-ang importasyon sa bugas sa nasod, gikan sa record-high nga 4.68 milyon metric tons niadtong 2024 ngadto sa 3.39 milyon metric tons niadtong 2025.
Sa miaging congressional budget hearing, mipahayag ang Department of Agriculture nga target niini nga maabot sa 84 porsyento ang rice self-sufficiency sa nasod sa kataposan sa 2026.