Sen. Tulfo gisaway ang ‘language barrier’ ni Gina Acosta sa impeachment trial ni VP Sara Duterte

Gikuwestiyon ni Senator-Judge Erwin Tulfo ang giingong paglisod sa pagsulti ug language barrier sa hostile witness nga si Gina Acosta atol sa pagpadayon sa impeachment trial ni Vice President Sara Duterte.

Namatikdan ni Tulfo nga sa pipila ka bahin sa iyang direct examination, mitubag si Acosta gamit ang Bisaya, hinungdan nga nanginahanglan ang Senate Impeachment Court og interpreter.

Mitabang usab si Atty. Armando Virgil Ligutan sa paghubad sa mga tubag sa saksi.

Apan, sumala kang Tulfo, nakatubag si Acosta sa mga pangutana sa mga nanga-ging pagdungog sa House of Representatives niadtong 2024, diin migamit kini sa pinulungang Filipino ug English.