House panel, gitugyan na sa korte ang desisyon sa posibleng dungan nga pag-uswag sa criminal ug impeachment case ni VP Sara

Gitugyan na sa House Prosecution Panel sa Senate Impeachment Court ug sa local court ang desisyon kung mahimong dungan nga ipadayon ang impeachment proceedings ug criminal case batok kang Vice President Sara Duterte.

Gibutyag ni House Legal Spokesperson Atty. Benjamin Tolosa Jr. nga lahi ang impeachment ug criminal proceedings tungod kay magkalahi ang liability ug quantum of evidence nga gikinahanglan sa matag kaso.

Sa criminal case, kinahanglan mapamatud-an ang guilt beyond reasonable doubt, samtang lahi usab ang sukdanan sa impeachment proceedings.

Gipasabot ni Tolosa nga bisan pa man ipadayon o dili ang criminal case nga may kalabotan sa grave threats, separado gihapon kini nga proseso gikan sa impeachment case batok sa Bise Presidente.