Ihap sa mga namatay sa natigayong pagbaha sa Japan, misaka na sa 8!

Walo na ang natala nga namatay human  sa na-rekord nga kusog nga pag-ulan sa Chiba Prefecture, sa sidlakang bahin Japan.

Kapin 360 milimetro nga ulan ang natala sulod lamang sa 24 oras, hinungdan sa grabeng pagbaha, pagdahili sa yuta ug pagkalangan sa mga biyahe sa tren ug kadalanan.

Mukabat usab sa kapin 7,000 ka biyahero ang na-stranded sa Narita Airport, samtang kapin 20,000 ka panimalay ang nawad-an og kuryente.

Sa pagkakaron, nagpadayon ang pahimangno sa mga otoridad batok sa baha ug pagdahili sa yuta busa giawhag ang mga lumulupyo sa maong dapit nga mag-igmat ug magbinantayon.