7.7 Magnitude nga linog, miuyog sa Flores Island sa Indonesia

Usa ka kusog nga 7.7 magnitude nga linog ang miigo sa kadagatan duol sa Flores Island sa sidlakan sa Indonesia sayo sa kabuntagon ning adlawng Sabado.

Sumala sa mga otoridad, mabaw ang gigikanan sa linog ug kusog kini nga nabati sa daghang lugar sa Flores Island.

Misunod usab ang pipila ka kusog nga aftershocks, lakip ang magnitude 6.1.

Tungod sa kusog sa linog, adunay mga bilding ug balay nga nadaot, samtang nanggawas sa ilang mga balay ang mga residente tungod sa kusog nga pag-uyog.

Nagpagawas usab ang Indonesia og tsunami warning isip pag-amping human sa linog.