Gihagit sa House prosecution panel ang impeachment court nga sitahon si Vice President Sara Duterte tungod sa iyang mga pamahayag nga nagkuwestiyon sa proseso sa impeachment trial.
Matud ni House prosecution spokesperson Rep. Renee Co, kaniadto pa adunay mga pamahayag si VP Sara nga nag-ingon nga wala suportahi sa ebidensya ang impeachment complaint.
Giingon ni Co nga imbes nga kuwestiyona ang impeachment court, mas angay nga atubangon mismo ni VP Sara ang mga alegasyon batok kaniya sulod sa paglilitis.
Matud pa ni Co, kung adunay angay sitahon sa impeachment court tungod sa pagkuwestiyon sa tribunal, si VP Sara angay usab maapil.
Gipasiugda usab sa prosecution ang prinsipyo nga “one court, one standard,” diin parehas nga lagda ang angay sundon sa tanan nga nalambigit sa impeachment trial.