Magsugod na sunod semana ang House of Representatives sa deliberasyon sa gisugyot nga P7.2-trilyon nga national budget alang sa 2027.
Sumala kang House Appropriations Committee Chairperson Rep. Mikaela Angela Suansing, magsugod ang budget hearings sa Lunes, Agosto 17, ug matapos sa Oktubre 9, sa wala pa ang Undas break sa Kongreso.
Gipunting usab ni Suansing nga himuon nila ang lawom nga pagsusi sa budget nga gitawag niini nga “people’s budget.”
Makigpulong usab ang mga non-government organizations ug uban pang stakeholders sa mga mambabalaod aron hisgutan ug susihon ang proseso sa pag-apod-apod sa pondo.
Samtang, gipahibalo ni House Speaker Bojie Dy nga ipadayon sa Kamarabaha ang mga safeguards nga gisagop niadtong 2025 aron malikayan ang pagbalik sa mga kuwestiyonableng budget insertions.