Mikaylap sa social media ang istorya bahin sa usa ka lalaki nga giingong “nagpakasal sa iyang kaugalingon” human sa 17 ka kapakyasan sa relasyon ug pipila usab ka kapakyasan sa kaminyoon.
Sa mga mitumaw nga post online, giila ang maong lalaki nga si Antoine Cheval.
Makita sa mga hulagway nga nagsul-ob siya og tunga nga suit samtang ang laing katunga sa iyang lawas gisul-oban og wedding gown, isip simbolo sa gitawag nga sologamy o self-marriage.
Giingong nagpahigayon usab siya og seremonya diin nakigbaylo pa og singsing ug mipahayag og mga panaad atubangan sa iyang pamilya ug mga higala.
Ang sologamy usa ka konsepto diin ang usa ka tawo simbolikong “nagpakasal” sa iyang kaugalingon isip pagpahayag sa gugma sa kaugalingon, pagdawat sa kaugalingon, ug personal nga paningkamot.
Apan, dili kini giila isip legal nga kaminyoon sa kadaghanang nasud.