Gipahibalo ni Ombudsman Jesus Crispin Remulla nga pormal nang gipasaka alang sa preliminary investigation ang mga kasong plunder, graft ug conflict of interest batok kang Batangas First District Representative Leandro Leviste ug inahan niini nga si Senator Loren Legarda.
Kalambigitan niini ang kompanya sa solar energy nga nalambigit kang Leviste, nga giingong napakyas sa pagtuman sa iyang obligasyon sa paghatag og solar energy.
Apil usab sa reklamo si Legarda tungod sa giingong paggamit sa iyang posisyon isip kanhi Chairman sa Senate Finance Committee aron matabangan sa pagkuha og prangkisa si Leviste.
Gibanabana nga molabaw sa ₱10 bilyon ang kantidad sa giingong nawalang benepisyo sa nasud nga gihulagway sa Ombudsman isip “ghost electricity.”