Nagdumili ang Revolutionary Guards sa Iran sa pag-abli pag-usab sa Strait of Hormuz—usa sa pinakadakong agianan sa lana ug pamatigayon sa kalibutan—hangtod nga dili matuman sa Estados Unidos ang tanang kondisyon nga gipangayo sa Tehran, lakip ang bayad-damyos sa gubat.
Usa sa mga batakang gidemanda sa Iran mao ang paghunong sa tanang aksyon militar sa US ug sa mga alyado niini sa Lebanon, Palestine, Yemen, ug Iraq. Dugang pa niini ang pag-alsa sa mga sanction ug blockade sa ilang mga dunggoanan, ang pagpagawas sa mga gi-freeze nga pundo sa nasod, ug ang pagbayad sa mga nagubang propedad.
Gipahayag sa militar sa Iran nga giisip na karon ang maong agianan sa tubig isip theatre of war o dapit sa gubat. Bisan pa man sa gihimong negosasyon kauban ang nasod nga Oman alang sa pagdumala sa agianan, pabilin ang baroganan sa Iran nga kinahanglan munang dawaton sa US ang tanan nilang kondisyon sa wala pa kini buksan pag-usab.