Mipadayon ang paghakot og kadaugan sa Pinoy pole vaulter nga si Ernest John “EJ” Obiena human niya nasungkit ang iyang ika-pito nga gold medal alang sa 2026 season sa Stabhochsprung Meeting nga gipahigayon didto sa Jockgrim, Germany.
Nakuha ni Obiena ang unang pwesto human niya nalabyan ang gihabogong 5.83 meters, diin iyang gipilde ang kaatbang gikan sa Qatar nga si Seifeldin Abdelsalam nga nakalabay usab sa maong gihabogon apan sa ikatulo na niini nga pagsuway. Misulay usab ang Pinoy athlete sa 5.93 meters aron malabwan ang iyang season-best nga 5.85 meters, apan wala kini masulod sulod sa tulo ka subay.
Bisan pa man sa mga giatubang nga hagit sa iyang warm-up ug sa unang bahin sa kompetisyon, nagpasalamat gihapon si Obiena sa nadawat nga maayong resulta ug gipahayag nga magpadayon siya sa iyang pagbansay-bansay alang sa mga sunod nga torneyo.