igitan sa upat ka motorsiklo sa Davao-Bukidnon Highway sa Catalunan Pequeño, Davao City, takna alas-2 sa kaadlawon ning Agosto 3 sa kasamtangang tuig.
Sumala sa Davao City Police Office (DCPO), nahitabo ang panagbangga human giingong nabanggaan sa luyo nga bahin sa usa ka motorsiklo ang laing motorsiklo, nga misangpot sa sunod-sunod nga panagbangga sa upat ka motorsiklo.
Ang natangtang usab nga ligid sa usa sa mga motorsiklo miigo sa usa ka kasugat nga motorsiklo nga gimaneho sa usa ka security guard.
Gideklarang patay sa mga responder sa Barangay Disaster Risk Reduction and Management Council (BDRRMC) sa Catalunan Pequeño ang rider ug back rider sa Motoposh nga motorsiklo didto mismo sa lugar sa insidente.
Samtang gidala sa Southern Philippines Medical Center (SPMC) ang rider sa laing motorsiklo alang sa pagtambal. Ang rider sa Yamaha nga motorsiklo giingong mikagiw human sa insidente.
Ang nasamdang security guard anaa sa kustodiya sa kapulisan samtang padayon ang imbestigasyon.