Giklaro sa Department of Labor and Employment o DOLE nga dili na kinahanglan ibalik sa mga trabahante sa Metro Manila ang nadawat na nilang wage increase bisan pa sa Temporary Restraining Order nga nagpahunong sa implementasyon niini.
Matud ni Labor Secretary Francis Tolentino, vested right na sa mga empleyadong nakadawat sa dugang suweldo ang maong benepisyo, busa dili kini mahimong bawi-on o ibawas sa umaabot nilang sweldo.
Giingon usab sa DOLE nga nakigtambayayong na ang National Wages and Productivity Commission ug ang Regional Tripartite Wages and Productivity Board sa NCR sa Office of the Solicitor General aron depensahan sa korte ang wage order.
Kahinumdoman nga temporaryong gipahunong sa Pasig Regional Trial Court ang implementasyon sa Wage Order No. 27 nga naghatag og ₱85 nga adlawang wage increase sa minimum wage earners sa Metro Manila.