ilauman sa kanhi presidente sa Integrated Bar of the Philippines (IBP) nga ang pormal nga mga ebidensya sa paggamit sa confidential funds ug dili ang pulitikal nga pagkiling ang mahimong basihan sa mga senator-judge sa impeachment case batok kang Vice President Sara Duterte.
Matud ni Atty. Eddie Cuaresma, kinahanglang suportado sa lig-ong ebidensya ang bisan unsang hukom aron mapabilin ang kaangayan ug malikayan ang selective justice o pabor-pabor sa hustisya.
Gipunting usab ni Cuaresma nga ang pangunang sutaon mao kon adunay klarong paglapas sa balaod sa pagdisburse sa maong mga pondo, lakip na ang posibleng kalambigitan niini sa Statement of Assets, Liabilities, and Net Worth (SALN) ug betrayal of public trust.
Dugang pa niya, kon mapamatud-an sa ebidensya ang mga akusasyon, kinahanglan kining timbangon sa korte, apan kon walay igong paglapas nga mapamatud-an, angay lamang nga ma-acquit ang akusado.