Nagpadayag og dakong paglaum si Pangulong Ferdinand “Bongbong” Marcos Jr. nga magpadayon ang pag-uswag ug pagsikat sa football sa Pilipinas, atol sa iyang ikalimang State of the Nation Address (SONA).
Gipadayag sa Pangulo ang iyang pagdayeg sa mga nakab-ot nga kadaugan sa Filipinas (Philippine women’s national football team), ug naglaum nga mas daghan pang mga Pilipino ang mahatagan og inspirasyon sa pagdula ug pagsuporta sa maong madasigong dula.
Dugang pa ni Marcos, nanghinaot usab siya nga makasunod ang Philippine men’s national football team sa mga nakab-ot sa kababayin-an, ug nga sa umalabot nga mga adlaw, makasulod usab ang nasod sa FIFA World Cup.
Dako usab ang pasalamat sa Philippine Football Federation (PFF) sa paghatag og espesyal nga pagtagad sa Pangulo sa natad sa football, diin ilang gipasalig ang padayon nga pakigtinabangay aron iyahat ang bandila sa Pilipinas sa pangkalibotanong entablado.