Kapin sa 300,000 ka mga tawo ang gipang-evacuate sa France ug Spain samtang padayon nga nakigbatok ang mga bombero sa dako ug dili matagna nga mga wildfire o sunog sa kagurangan nga nagpadayon sa duha ka nasod.
Sa France, miabot na sa 250,000 ka residente ang gipabalhin sa luwas nga dapit, ilabina sa rehiyon sa Gironde duol sa siyudad sa Bordeaux. Sumala sa Interior Ministry sa France, hilabihan ka kusog ug unpredictable ang kalayo tungod kay naghimo kini og kaugalingong hangin habang nagpadulong sa mga populadong dapit.
Samtang sa Spain, gibana-banang 75,000 usab ka tawo ang gipagawas sa ilang mga panimalay sa palibot sa Madrid, Avila, Toledo, ug sa lalawigan sa Valencia human misulbong ang bag-ong bahin sa kalayo.
Naggikan ang maong dakong sunog taliwala sa grabeng heatwave ug hulaw nga nasinati sa Europa sukad pa niadtong Mayo. Sa kasamtangan, nagpadala na og mga bombero, eroplano, ug ekipo ang ubang mga nasod nga sakop sa European Union (EU) aron motabang sa pagpalong sa maong nga kalayo.