YouTuber nga si MrBeast, opisyal nang naminyo sa iyang kaparis nga si Thea Booysen

Opisyal nang naminyo ang sikat nga online personality ug YouTuber nga si MrBeast, o Jimmy Donaldson sa tinuod nga ngalan, sa iyang kaparis nga si Thea Booysen pinaagi sa usa ka private island wedding.

Pinaagi sa iyang social media, gipaambit ni MrBeast ang mga hulagway sa ilang espesyal nga adlaw sa kasal, diin giuponan kini sa caption nga: “I found Mrs.Beast and it was the best day of my life.”

Unang nagkailaila ang duruha niadtong 2022 sa pagbisita sa YouTuber sa South Africa—ang nasod nga natawhan ni Thea—ug pormal nga nag-engage niadtong milabayng tuig.

Si MrBeast ang unang YouTube content creator sa tibuok kalibotan nga nakakab-ot og kapin sa 500 million subscribers.