Gilauman ang dakong pagsaka sa presyo sa produktong petrolyo sa sunod semana, diin posibleng mosaka ang diesel og ₱9.50 hangtod ₱10.50 kada litro ug ang gasolina nga anaa sa ₱3.50 hangtod ₱4.50 kada litro.
Sumala sa tinubdan sa industriya sa lana, ang pagsaka sa presyo tungod sa nagkagrabeng tensyon sa Middle East, lakip ang pag-atake sa Iran sa mga commercial ship sa Strait of Hormuz, ang pagbalos sa Estados Unidos, ug ang kabalaka sa posibleng pagkabalda sa suplay sa lana.
Samtang, gipalapad ni Presidente Ferdinand Marcos Jr. ang UPLIFT Program aron matabangan ang mga pamilyang maapektuhan sa pagsaka sa presyo sa lana.
Lakip sa mga makabenepisyo ang 3.5 milyon ka 4Ps ug Walang Gutom Program beneficiaries, nga makadawat og usa ka higayon nga ₱2,000 nga ayuda.