Opisyal nga nakasulod sa grand finals sa FIFA World Cup 2026 ang koponan sa Spain human gipildi ang France sa iskor nga 2-0 sa usa ka kulbahinam nga semifinal match nga gipahigayon sa Dallas Stadium sa Texas, USA.
Unang nitala og puntos alang sa Espanya si Mikel Oyarzabal sa ika-22 nga minuto pinaagi sa usa ka penalty kick human na-foul si Lamine Yamal sulod sa penalty area, ug gisundan kini sa selyo nga goal ni Pedro Porro sa ika-58 nga minuto gikan sa pasa ni Dani Olmo.
Bisan pa sa kusog nga opensiba sa France nga gipangulohan ni Kylian Mbappé, napanalipdan sa Spain ang solidong depensa para makuha ang ilang ika-unom nga clean sheet sa torneo, samtang dungan nga atanagn ang makasaysayanong 37-game unbeaten streak world record sa Italy.
Tungod niining dako nga dula, maghulat ang Spain sa modaog tali sa England ug Argentina nga maoy makasangka sa umaabot nga Grand Final karong Hulyo 20 (oras sa Pilipinas) sa New York New Jersey Stadium aron ilogan ang prestihiyosong kampiyonato.