Gi-gisa sa depensa si NBI Regional Director Atty. Jeremy Lotoc sa ika-limang (5th) adlaw sa impeachment trial ni VP Sara Duterte kagahapon. Naka-sentro ang pagpangutana kon aduna ba siya’y personal nga kahibalo sa giingong pagkontrata og hitman sa bise presidente aron ipapatay ang Pangulo. Giangkon ni Lotoc nga wala siya’y personal nga kahibalo sa aktuwal nga pagkuha og hitman, apan nanindigan siya nga seryoso ug tinuod ang hulga base sa ebidensya ug pamahayag sa bise sa iyang online press conference. [
Gipunting usab sa depensa nga usa ka abogada si VP Sara ug dili makatarunganon nga ipahibalo niini sa publiko ang usa ka seryosong plano kon tinuod pa kini.
Gipasabot sa NBI nga wala nila mabusisi ang giingong bahad sa kinabuhi sa bise presidente tungod kay wala kini moperma o mitunga sa ilang mga imbitasyon aron maghatag og testimonya.
Giklaro ni Senator-Judge Raffy Tulfo nga ang kontrobersyal nga “Oplan Romanov” giluwat ni Davao City Mayor Baste Duterte isip hulga batok sa First Family, ug dili hulga batok sa bise presidente sumala sa unang pagtuo sa kadaghanan.
Tungod sa kainit sa lalis, gipahimangnoan sa Presiding Officer ang prosekusyon ug depensa nga likayan ang mga dili propesyonal nga “side comments” batok sa witness o sa usag-usa aron dili kini ipa-strike off the record.